Сцяг Чацвер, 13 чэрвеня 2024
Усе навіны
Усе навіны
Прэзідэнт
30 мая 2024, 15:07

Лукашэнка праінспектаваў эксперыментальныя палі на сваёй малой Радзіме

30 мая, Мінск /Кар. БЕЛТА/. Прэзідэнт Беларусі Аляксандр Лукашэнка праінспектаваў эксперыментальныя палі ў Магілёўскай і Віцебскай абласцях, паведамляе БЕЛТА.

У народзе гэтыя палі называюць яшчэ "прэзідэнцкімі". Кожны год на гэтых палях, на стыку дзвюх абласцей, беларускія аграрыі праводзяць важныя для ўсёй краіны эксперыменты, высяваючы розныя культуры, параўноўваючы айчынныя і імпартныя сарты, строга выконваючы тэхналогіі і прынцыпы севазвароту. Затым лепшы вопыт распаўсюджваецца на ўсю краіну.

"У бягучым годзе на гэтых палях пасеяны кукуруза на зерне (розных сартоў) і травы - канюшына, люцэрна, сумесь "канюшына - цімафееўка". Агледзеўшы ўсе пасевы, Прэзідэнт ацаніў іх як вельмі добрыя, і нават блізкія да ідэальных", - напісаў Telegram-канал "Пул Першага".

Кіраўнік дзяржавы падзякаваў работнікам Нацыянальнай акадэміі навук і ўсім, хто ўдзельнічаў у гэтай рабоце, у тым ліку і фермерам, якія працуюць на гэтай зямлі.

Як вядома, сельскай гаспадарцы Прэзідэнт удзяляе вялікую ўвагу. Развіццё гэтай галіны ў цэлым на пастаянным кантролі кіраўніка дзяржавы. Прэзідэнт асабіста праводзіць эксперыменты, каб быць у курсе апошніх тэндэнцый, апрабаваць тэхналогіі і новыя віды культур. Потым лепшыя і самыя паспяховыя з напрацовак укараняюцца ў жыццё ўжо масава.-0-
Падпісвайцеся на нас у
Twitter
Топ-навіны
Свежыя навіны Беларусі