6 красавіка, Масква /Кар. БЕЛТА/. Прэзідэнт Беларусі Аляксандр Лукашэнка на пасяджэнні Вышэйшага дзяржаўнага савета Саюзнай дзяржавы адзначыў важнасць імпартазамяшчэння і сумеснай работы ў гэтым напрамку, перадае карэспандэнт БЕЛТА.
Кіраўнік дзяржавы нагадаў, што Беларусь і Расія працуюць па імпартазамяшчэнні ў тым ліку ў сферы мікраэлектронікі. "Нават у гэтым складаным пытанні мы знайшлі выхад са становішча. І ў многіх іншых. Таму мы вытрымаем. Гэта не аўтамабіль і трактар стварыць. Гэта (мікраэлектроніка. - Заўвага БЕЛТА) - складаныя рэчы. Мы навучыліся гэта рабіць, у нас ёсць кампетэнцыі. У Савецкім Саюзе гэта ўсе рабілі. Проста мы (у постсавецкі перыяд. - Заўвага БЕЛТА) сарыентаваліся на Захад. Сёння зразумелі, што яны нам не сябры. Нам трэба самім гэта ўсё рабіць", - адзначыў Аляксандр Лукашэнка.-0-
