ДЗЯРЖОРГАНЫДЗЯРЖОРГАНЫ
Флаг Серада, 8 лютага 2023
Мінск Суцэльная воблачнасць -6°C
Усе навіны
Усе навіны
Прэзідэнт
03 лістапада 2022, 10:21

Лукашэнка пра творчасць Якуба Коласа: яго шэдэўры выявілі самыя тонкія грані беларускай душы

3 лістапада, Мінск /Кар. БЕЛТА/. Кіраўнік дзяржавы Аляксандр Лукашэнка накіраваў прывітанне ўдзельнікам урачыстага мерапрыемства, прысвечанага 140-годдзю з дня нараджэння вядомага беларускага пісьменніка, педагога і вучонага, народнага паэта Беларусі Якуба Коласа. Аб гэтым БЕЛТА паведамілі ў прэс-службе Прэзідэнта.

"Геній яго паэтычнага таленту раскрыўся на зломе эпох, калі ў пачатку ХХ стагоддзя адбываўся пошук нацыянальнай ідэнтычнасці і шляхоў далейшага развіцця нашага народа, - гаворыцца ў віншаванні. - Шэдэўры класіка выявілі самыя тонкія грані беларускай душы, паднялі на вяршыні мастацтва роднае слова, сталі заклікам і запаветам суайчыннікам аб святым абавязку самаадданага служэння Радзіме".

Прэзідэнт падкрэсліў, што коласаўскае слова аб шчырай любові да роднага краю, неабходнасці абараняць бацькоўскі парог, помніць гісторыю і свае карані і сёння ўражвае актуальнасцю і выступае духоўнай асновай сучаснага грамадства.

Аляксандр Лукашэнка выказаў упэўненасць, што ўрачыстае мерапрыемства падорыць паклоннікам літаратуры яркія і незабыўныя эмоцыі, а зварот да невычэрпнай спадчыны паэта натхніць на новыя творчыя адкрыцці, будзе садзейнічаць мастацкаму асэнсаванню гісторыі і культуры, прывіваць падрастаючаму пакаленню традыцыйныя каштоўнасці беларусаў.

Кіраўнік дзяржавы пажадаў усім удзельнікам мерапрыемства моцнага здароўя, шчасця і дабрабыту.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі