12 мая, Мінск /Кар. БЕЛТА/. ІТ-сфера ў Беларусі будзе развівацца, у тым ліку і Парк высокіх тэхналогій. Аб гэтым Прэзідэнт Беларусі Аляксандр Лукашэнка заявіў на сустрэчы з паслом Расіі ў Беларусі Барысам Грызловым, перадае карэспандэнт БЕЛТА.
Размова на сустрэчы ішла аб перспектывах кааперацыйнага супрацоўніцтва, імпартазамяшчэння, у тым ліку ў сферы ІТ. "Мы не збіраемся яе згортваць. Як некаторыя тут кажуць: вось, там Лукашэнка зараз усіх айцішнікаў павыганяе. Ды не, нездарма я гэты парк ствараў. Ён працуе і будзе працаваць. Я проста цяпер займаюся цесна гэтым пытаннем, таму што мне трэба сустрэцца з айцішнікамі, і не толькі ў парку", - заявіў ён.
Прэзідэнт адзначыў, што ПВТ у Беларусі даў штуршок развіццю ІТ-сферы на ўсіх прадпрыемствах, у Акадэміі навук. "Трэба пагаварыць з імі, якая дапамога патрэбна", - сказаў кіраўнік дзяржавы.-0-
