19 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка на сустрэчы са старшынёй Гродзенскага аблвыканкама Уладзімірам Каранікам абмеркаваў пытанне ўведзенага ў Беларусі бязвізавага рэжыму для грамадзян Літвы, Латвіі і Польшчы, перадае карэспандэнт БЕЛТА.
"Спецыфічнае пытанне. Мы ўвялі бязвіз для грамадзян Літвы, Латвіі і Польшчы. Гэта перш за ўсё ваша зона адказнасці - граніца. Вашы ўражанні, ваш пункт гледжання на гэта? - пацікавіўся кіраўнік дзяржавы. - Варта нам яго захоўваць - гэты бязвізавы ўезд, як людзі рэагуюць? Прыезджыя з Літвы, Латвіі і Польшчы і нашы людзі. Галоўнае, нашы як да гэтага ставяцца?"
"Тое, што ўлады там у раз'юшанасці, гэта вы таксама ведаеце. Да дураты даходзіць. Ужо на дзяцей там накатваюць. Вось і ўся свабода слова і правы чалавека. Але тым не менш як нашы людзі на гэта рэагуюць, і ваш пункт гледжання на далейшае прадаўжэнне бязвізавага рэжыму", - дадаў Аляксандр Лукашэнка.
Што датычыцца накатаў на дзяцей, Прэзідэнт хутчэй за ўсё меў на ўвазе сітуацыю з фактычна цкаваннем і праследаваннем прадстаўнікоў Рыжскай дзіцячай акадэміі радыё і тэлебачання Academy KidsTV, якія прыязджалі ў Беларусь на фестываль "Славянскі базар у Віцебску". Яны ў тым ліку ўзялі невялікае інтэрв'ю і ў кіраўніка беларускай дзяржавы.
МЗС і Служба бяспекі Латвіі пачалі праверкі. А кіраўнік МЗС Латвіі Эдгарс Рынкевіч нават заявіў аб магчымасці закрыцця акадэміі. "З-за грубага ігнаравання рэкамендацый МЗС па бяспецы падарожжаў і ўдзелу ў інфармацыйнай вайне дзейнасць такіх арганізацый недапушчальна і павінна быць спынена", - сказаў ён.
Паведамлялася таксама, што Служба дзяржаўнай бяспекі Латвіі пачала праверку дзяцей і іх настаўнікаў па артыкуле "здрада". Установа ў рамках сваёй кампетэнцыі сочыць, ці няма ў іх дзейнасці магчымых пагроз нацыянальнай бяспецы.-0-
