13 верасня, Мінск /Кар. БЕЛТА/. Свята Дзень народнага адзінства - гэта даніна эпосе, якая падарыла беларусам права заняць сваё месца на карце свету. Аб гэтым Прэзідэнт Беларусі Аляксандр Лукашэнка заявіў на цырымоніі ўручэння дзяржаўных узнагарод напярэдадні свята, якое адзначаецца ў Беларусі 17 верасня, перадае карэспандэнт БЕЛТА.
"У Год гістарычнай памяці лічу важным падкрэсліць, што дзень 17 верасня вярнуўся ў наш святочны каляндар не толькі як напамін аб каштоўнасці свабоды і незалежнасці, але і як даніна эпосе, якая падарыла нам, беларусам, права заняць сваё месца на карце свету", - сказаў кіраўнік дзяржавы.
"Мы будзем помніць аб гэтым, як і тое, што мы адбыліся як народ, нацыя, дзяржава, перамаглі ў Вялікай Айчыннай вайне, адрадзілі краіну з попелу і нават апярэдзілі некаторых у асваенні космасу, ядзернай энергетыцы, біятэхналогіях дзякуючы людзям працы", - падкрэсліў Аляксандр Лукашэнка.-0-
