1 чэрвеня, Мінск /Кар. БЕЛТА/. Кіраўнік дзяржавы Аляксандр Лукашэнка павіншаваў з юбілеем народную артыстку Беларусі Валянціну Крыловіч. Аб гэтым БЕЛТА паведамілі ў прэс-службе беларускага лідара.
Прэзідэнт адзначыў, што Валянціна Крыловіч унесла бясцэнны ўклад у захаванне і развіццё лепшых традыцый нацыянальнай харавой культуры.
"Сваёй шматгадовай творчай дзейнасцю ў Нацыянальным акадэмічным народным хоры Рэспублікі Беларусь імя Г.І. Цітовіча, талентам, вернасцю беларускаму музычнаму мастацтву вы заслужылі прызнанне калег і любоў слухачоў", - гаворыцца ў віншаванні.-0-
