20 лютага, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Сірыла Рамафосу з уступленнем на пасаду Прэзідэнта Паўднёва-Афрыканскай Рэспублікі. Аб гэтым БЕЛТА паведамілі ў прэс-службе беларускага лідара.
"Упэўнены, што Ваша дзейнасць у якасці кіраўніка дзяржавы будзе садзейнічаць працвітанню Паўднёвай Афрыкі і паляпшэнню дабрабыту яе жыхароў", - гаворыцца ў віншаванні.
Аляксандр Лукашэнка пацвердзіў зацікаўленасць Беларусі ў інтэнсіфікацыі беларуска-паўднёваафрыканскага супрацоўніцтва ва ўсіх галінах, асабліва ў гандлёва-эканамічнай сферы.
"Спадзяюся, што сумеснымі намаганнямі ў дваццаць пятую гадавіну дыпламатычных адносін паміж нашымі краінамі мы зможам больш поўна раскрыць патэнцыял двухбаковага ўзаемадзеяння", - падкрэсліў кіраўнік дзяржавы.-0-
