10 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і ад сябе асабіста павіншаваў Сі Цзіньпіна з аднагалосным выбраннем на пасаду Старшыні Кітайскай Народнай Рэспублікі і Старшыні Цэнтральнага ваеннага савета Кітайскай Народнай Рэспублікі. Аб гэтым паведамілі БЕЛТА у прэс-службе беларускага лідара.
"Сённяшняя гістарычная падзея з'яўляецца яшчэ адным яркім пацвярджэннем абсалютнага даверу кітайскага народа і Вашых каласальных заслуг ва ўсебаковым развіцці Кітая ў новую эпоху і павышэнні яго ролі на міжнароднай арэне. Глыбока ўпэўнены, што пад Вашым эфектыўным кіраўніцтвам у рэчышчы рашэнняў ХХ з'езда Камуністычнай партыі Кітая краіна дасягне "другой мэты стагоддзя" - вялікага адраджэння кітайскай нацыі і пабудовы мадэрнізаванай сацыялістычнай дзяржавы", - гаворыцца ў віншаванні.
Аляксандр Лукашэнка падзякаваў Сі Цзіньпіну за асабістую ўвагу, якую ён удзяляе ўмацаванню ўсепагоднага і ўсебаковага стратэгічнага партнёрства з Рэспублікай Беларусь. "Мы шчыра цэнім дружбу з Вялікім Кітаем. Пацвярджаю гатоўнасць прыкладаць максімум намаганняў для развіцця ўсяго комплексу адносін Мінска і Пекіна", - падкрэсліў беларускі лідар.
"Дарагі Сябар, запрашаю Вас наведаць у зручны час Беларусь, дзе Вы зноў зможаце адчуць цёплую гасціннасць і ветлівасць нашага народа. Прыміце пажаданні моцнага здароўя і далейшых поспехаў у Вашай адказнай дзейнасці, а таксама запэўненні ў маёй самай высокай павазе", - гаворыцца ў віншаванні.-Э-
