Іван Ядзешка. Фота з архіва НАК Беларусі
25 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў алімпійскага чэмпіёна, заслужанага майстра спорту СССР Івана Ядзешку з 80-годдзем. Аб гэтым БЕЛТА паведамілі ў прэс-службе беларускага лідара.
"У нашай краіне Вас ведаюць як легендарнага баскетбаліста, чалавека з вялікім сэрцам і мудрага настаўніка, які аддаў многія гады выхаванню моладзі. Вашы дасягненні - гонар беларускага спорту, а гульня ў залатым матчы зборнай СССР супраць амерыканцаў на Алімпіядзе-72 у Мюнхене - трыумф мужнасці, стойкасці, найвышэйшага майстэрства і таленту", - падкрэсліў Аляксандр Лукашэнка.
Кіраўнік дзяржавы падзякаваў Івану Ядзешку за значны ўклад у развіццё баскетбола і за ўсё, што ён робіць для роднай Беларусі, пажадаўшы яму моцнага здароўя, невычэрпнага аптымізму і актыўнага даўгалецця.-0-
Падпісвайцеся на нас у
