Браціслава. Фота з архіва
4 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў прэм'ер-міністра Славакіі Роберта Фіца са знамянальнай датай - 80-й гадавінай вызвалення Браціславы ад нацысцкай акупацыі. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы адзначыў, што гэта важная падзея агульнай гісторыі сімвалізуе мужнасць і самаахвярнасць воінаў, якія змагаліся не толькі за незалежнасць сваёй Радзімы, але і за вызваленне ўсёй Еўропы ад карычневай чумы.
"Мы высока цэнім, што ў Славацкай Рэспубліцы захоўваецца памяць аб тых, хто загінуў ва ўпартай барацьбе за мір і свабоду, а таксама аб слаўным подзвігу савецкага і славацкага народаў", - гаворыцца ў віншаванні.
Прэзідэнт выказаў упэўненасць, што павага да гістарычнай праўды застанецца трывалай асновай для развіцця дружалюбных адносін Мінска і Браціславы.
Аляксандр Лукашэнка пажадаў Роберту Фіца выдатнага здароўя і далейшых поспехаў, а жыхарам Славакіі - дабрабыту і працвітання.-0-
Падпісвайцеся на нас у
