5 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў работнікаў і ветэранаў дзяржаўных органаў і арганізацый сістэмы сацыяльнай абароны з прафесійным святам - Днём работнікаў сацыяльнай абароны. Аб гэтым БЕЛТА паведамілі ў прэс-службе беларускага лідара.
"У Беларусі любыя пераўтварэнні заўсёды накіраваны на тое, каб кожны чалавек з нараджэння да глыбокай старасці быў максімальна абаронены дзяржавай, - адзначыў Прэзідэнт. - Важнейшую ролю ў гэтай высакароднай справе адыгрываюць прафесіяналы з вялікім сэрцам - работнікі сацыяльнай сферы. Праяўляючы шчыры клопат аб сваіх падапечных - а гэта ў асноўным дзеці, людзі пажылога ўзросту і тыя, чые фізічныя або ментальныя магчымасці абмежаваны, - вы садзейнічаеце міласэрнасці, спагадзе, безумоўнай падтрымцы маючых патрэбу, захоўваючы і прымнажаючы гэтыя традыцыйныя для нас нацыянальныя каштоўнасці".
Аляксандр Лукашэнка ўпэўнены, што сваёй добрасумленнай і стваральнай працай яны прадоўжаць уносіць дастойны ўклад у шчаслівую будучыню Беларусі і яе народа.
Прэзідэнт пажадаў ім моцнага здароўя, дабрабыту, далейшых поспехаў ва ўсіх пачынаннях.
Віншаванне Прэзідэнта Беларусі з Днём работнікаў сацыяльнай абароны
Работнікам і ветэранам дзяржаўных органаў і арганізацый сістэмы сацыяльнай абароны
Дарагія сябры!
Прыміце самыя цёплыя віншаванні з прафесійным святам - Днём работнікаў сацыяльнай абароны.
У Беларусі любыя пераўтварэнні заўсёды накіраваны на тое, каб кожны чалавек з нараджэння да глыбокай старасці быў максімальна абаронены дзяржавай.
Важнейшую ролю ў гэтай высакароднай справе адыгрываюць прафесіяналы з вялікім сэрцам - работнікі сацыяльнай сферы. Праяўляючы шчыры клопат аб сваіх падапечных - а гэта ў асноўным дзеці, людзі пажылога ўзросту і тыя, чые фізічныя або ментальныя магчымасці абмежаваны, - вы садзейнічаеце міласэрнасці, спагадзе, безумоўнай падтрымцы маючых патрэбу, захоўваючы і прымнажаючы гэтыя традыцыйныя для нас нацыянальныя каштоўнасці.
Упэўнены, сваёй добрасумленнай і стваральнай працай вы прадоўжыце ўносіць дастойны ўклад у шчаслівую будучыню Беларусі і яе народа.
Ад усёй душы жадаю вам моцнага здароўя, дабрабыту, далейшых поспехаў ва ўсіх пачынаннях.
Аляксандр Лукашэнка,
5 студзеня 2023 года.-0-
