Лукашэнка павіншаваў работнікаў органаў пракуратуры з прафесійным святам

26 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў работнікаў і ветэранаў органаў пракуратуры з прафесійным святам. Аб гэтым БЕЛТА паведамілі ў прэс-службе кіраўніка дзяржавы.

"Вы стаіце на варце правапарадку і нацыянальнай бяспекі. Прытрымліваючыся літары закону, выконваючы прынцыпы прэзумпцыі невінаватасці і няўхільнасці пакарання, забяспечваеце абарону правоў грамадзян і арганізацый, грамадскіх і дзяржаўных інтарэсаў", - гаворыцца ў віншаванні.

Аляксандр Лукашэнка адзначыў, што дзякуючы належнаму падбору і падрыхтоўцы кадраў, сістэмнай каардынацыі дзейнасці праваахоўных органаў пракуратура садзейнічае планамернаму зніжэнню злачыннасці ў краіне, забяспечвае стабільнасць і спакой на беларускай зямлі.

"Упэўнены, што пракурорскія работнікі заўсёды будуць заставацца ўзорам найвышэйшага прафесіяналізму, выключнай кампетэнцыі і вернасці службоваму абавязку, прыкладам бездакорнага служэння закону на карысць народа, - падкрэсліў Прэзідэнт. - У гэты святочны дзень жадаю вам поспехаў у рабоце, накіраванай на далейшае будаўніцтва прававой дзяржавы. Здароўя і ўсяго найлепшага вам і вашым блізкім".-0-