2 красавіка, Мінск /Кар. БЕЛТА/. Старшыня Вышэйшага дзяржаўнага савета Саюзнай дзяржавы, Прэзідэнт Беларусі Аляксандр Лукашэнка павіншаваў Прэзідэнта Расіі Уладзіміра Пуціна з Днём яднання народаў Беларусі і Расіі. Аб гэтым БЕЛТА паведамілі ў прэс-службе беларускага лідара.
"Інтэграцыйны праект нашых краін садзейнічаў набыццю бясцэннага вопыту ў розных сферах дзяржаўнага будаўніцтва, раскрыццю велізарнага стваральнага патэнцыялу беларускай і расійскай эканомік, фарміраванню інструментаў, якія даюць магчымасць сумесна вырашаць шырокі спектр задач любой складанасці", - гаворыцца ў віншаванні.
Прэзідэнт звярнуў увагу, што паслядоўныя крокі ў забеспячэнні бяспекі, роўных правоў грамадзян, паступальнае нарошчванне гандлёва-эканамічнага і інвестыцыйнага супрацоўніцтва сталі для Саюзнай дзяржавы надзейнай аховай ад знешніх пагроз.
"Упэўнены, інтэнсіўны характар палітычнага дыялогу, цеснае міжурадавае і міжведамаснае ўзаемадзеянне будуць і ў далейшым садзейнічаць эфектыўнай рэалізацыі прынятых Вышэйшым дзяржаўным саветам дакументаў у інтарэсах беларусаў і расіян", - падкрэсліў Аляксандр Лукашэнка.
Прэзідэнт Беларусі таксама накіраваў віншаванні з Днём яднання старшыні ўрада Расіі, старшыні Савета Міністраў Саюзнай дзяржавы Міхаілу Мішусціну, старшыні Савета Федэрацыі Федэральнага сходу Расіі Валянціне Мацвіенка, старшыні Дзяржаўнай думы Федэральнага сходу Расіі, старшыні Парламенцкага сходу Саюза Беларусі і Расіі Вячаславу Валодзіну, Патрыярху Маскоўскаму і ўсяе Русі Кірылу.-0-
Падпісвайцеся на нас у
