21 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў прэзідэнта Нацыянальнага даследчага цэнтра "Курчатаўскі інстытут", члена-карэспандэнта Расійскай акадэміі навук, доктара фізіка-матэматычных навук, прафесара Міхаіла Кавальчука з юбілейнай датай - 75-годдзем. Аб гэтым БЕЛТА паведамілі ў прэс-службе беларускага лідара.
"Ваш жыццёвы шлях выдатнага вучонага-фізіка, значнага грамадскага дзеяча, таленавітага педагога выклікае шчырую павагу. Вы ўнеслі велізарны ўклад у сучасную навуку, атрымалі высокі аўтарытэт як аўтар яркіх прац, якія вызначаюць развіццё новых навуковых напрамкаў і тэхналогій, заўсёды ўдзялялі вялікую ўвагу сумеснай рабоце расійскіх і беларускіх вучоных, умацаванню дружбы паміж нашымі брацкімі народамі", - гаворыцца ў віншаванні.
Кіраўнік дзяржавы выказаў перакананне, што нядаўні візіт кіраўніка нацыянальнага даследчага цэнтра ў Мінск і дасягнутыя дамоўленасці аб рэалізацыі сумесных планаў супрацоўніцтва паміж Курчатаўскім інстытутам і Нацыянальнай акадэміяй навук Беларусі нададуць новы імпульс паспяховаму партнёрству вучоных дзвюх краін.
Аляксандр Лукашэнка пажадаў Міхаілу Кавальчуку добрага здароўя, шчасця, дабрабыту, ажыццяўлення ўсіх навуковых і жыццёвых планаў.-0-