18 лютага, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Малдовы Ігара Дадона з днём нараджэння. Аб гэтым БЕЛТА паведамілі ў прэс-службе беларускага лідара.
"У Беларусі Вас ведаюць як паспяховага палітыка і дальнабачнага дзяржаўнага дзеяча", - адзначыў кіраўнік дзяржавы і звярнуў увагу на значны ўклад малдаўскага лідара ў развіццё краіны, умацаванне яе пазіцый на міжнароднай арэне, паглыбленне шматпланавага ўзаемадзеяння з Беларуссю.
Прэзідэнт пацвердзіў гатоўнасць да прадаўжэння давернага дыялогу і сумеснай работы па пашырэнні традыцыйна дружалюбных сувязей паміж народамі дзвюх краін.
Аляксандр Лукашэнка пажадаў Ігару Дадону добрага здароўя, невычэрпнай энергіі і рэалізацыі ўсіх пачынанняў.-0-
