18 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Грузіі Саламэ Зурабішвілі з юбілеем. Аб гэтым БЕЛТА паведамілі ў прэс-службе беларускага лідара.
"Уласцівыя вам стваральная энергія, выключны прафесійны вопыт і ініцыятыўнасць садзейнічаюць упэўненаму руху Грузіі па шляху прагрэсу і працвітання, умацаванню яе аўтарытэту на міжнароднай арэне", - гаворыцца ў віншаванні.
Кіраўнік дзяржавы выказаў упэўненасць, што плённае супрацоўніцтва дзвюх краін, заснаванае на традыцыях дружбы і ўзаемаразумення, будзе і ў далейшым пашырацца ў інтарэсах беларускага і грузінскага народаў, узбагачацца новымі перспектыўнымі ідэямі і праектамі.
Аляксандр Лукашэнка пажадаў Саламэ Зурабішвілі добрага здароўя, шчасця, поспехаў у дзяржаўнай дзейнасці і доўгіх гадоў жыцця побач з роднымі і блізкімі.-0-
