Аксілія Мнангагва. Фота з архіва
25 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў першую лэдзі Рэспублікі Зімбабвэ Аксілію Мнангагву з днём нараджэння. Аб гэтым БЕЛТА паведамілі ў прэс-службе беларускага лідара.
"Вашы патрыятызм, багаты жыццёвы вопыт, прафесіяналізм і глыбокія веды маюць значную каштоўнасць для Зімбабвэ, яго эканамічных і гуманітарных праграм. Гэтыя ж якасці набылі асаблівую значнасць і ў нашай сумеснай рабоце па такіх напрамках, як ахова здароўя, у тым ліку мацярынства і дзяцінства, адукацыя, харчовая бяспека. Рады, што Вашы візіты ў Беларусь сталі добрай традыцыяй. З задавальненнем буду вітаць Вас на гасціннай беларускай зямлі ў любы зручны для Вас час, каб абмеркаваць выкананне дасягнутых раней дамоўленасцей, а таксама новыя перспектыўныя праекты", - гаворыцца ў віншаванні.
Аляксандр Лукашэнка пажадаў Аксіліі Мнангагве здароўя, сямейнага шчасця, дабрабыту і паспяховага ажыццяўлення ўсіх планаў.-0-
Падпісвайцеся на нас у
