3 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў першага сакратара Цэнтральнага камітэта Камуністычнай партыі Кубы Рауля Кастра Руса з днём нараджэння, паведамілі БЕЛТА ў прэс-службе кіраўніка дзяржавы.
"Для мільёнаў людзей ва ўсім свеце вы з'яўляецеся прыкладам самаахвярнага служэння Радзіме і свайму народу, адданасці выбранаму шляху. Немагчыма пераацаніць ваш асабісты ўклад у станаўленне незалежнай Кубы", - гаворыцца ў віншаванні.
Кіраўнік дзяржавы адзначыў, што адносіны Беларусі і Кубы дынамічна развіваюцца ў духу дружбы і салідарнасці, а таксама ўзаемнай нацэленасці на пашырэнне ўсебаковай кааперацыі. Прэзідэнт пацвердзіў, што далейшае развіццё стратэгічнага партнёрства з Гаванай застаецца адным з прыярытэтаў беларускай знешняй палітыкі.
Аляксандр Лукашэнка пажадаў Раулю Кастра Русу моцнага здароўя і новых поспехаў у адказнай палітычнай дзейнасці.-0-
