ДЗЯРЖОРГАНЫДЗЯРЖОРГАНЫ
Флаг Панядзелак, 14 чэрвеня 2021
Мінск Воблачна з праясненнямі +19°C
Усе навіны
Усе навіны
Прэзідэнт
02 мая 2021, 07:01

Лукашэнка павіншаваў Патрыярха Кірыла з Вялікаднем

Фота з архіва ТАСС
Фота з архіва ТАСС

2 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Патрыярха Маскоўскага і ўсяе Русі Кірыла з Вялікаднем Гасподнім. Аб гэтым БЕЛТА паведамілі ў прэс-службе беларускага лідара.

"Час гэтага свята супадае з веснавым абуджэннем прыроды. Разам з сагрэтай сонцам зямлёй напаўняюцца святлом азораныя весткай аб цудоўным Хрыстовым Уваскрэсенні душы вернікаў", - гаворыцца ў віншаванні.

Кіраўнік дзяржавы адзначыў, што шмат стагоддзяў таму хрысціянства стала для беларусаў і расіян краевугольным каменем агульных культурных, гістарычных, сямейных каштоўнасцей. "Старажытныя традыцыі праваслаўя аб'ядноўваюць жыхароў дзвюх краін, дапамагаюць з годнасцю прайсці любыя выпрабаванні, умацоўваюць наша агульнае імкненне жыць у міры і згодзе", - падкрэсліў Прэзідэнт.

"Няхай радасць гэтых светлых дзён прымножыць вашы духоўныя сілы для падзвіжніцкага служэння на карысць Праваслаўнай Царквы і брацкіх народаў Беларусі і Расіі", - пажадаў Патрыярху Аляксандр Лукашэнка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі