31 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў народнага артыста Расіі Леаніда Якубовіча з юбілеем, паведамілі БЕЛТА ў прэс-службе кіраўніка дзяржавы.
"На беларускай зямлі вас ведаюць і любяць як шматгранную асобу, выдатнага тэлевядучага, артыста, прадзюсара і сцэнарыста. Дзякуючы прыроднаму абаянню, шырокаму дыяпазону творчых магчымасцей і іскрамётнаму пачуццю гумару вы заслужылі сапраўднае прызнанне шматлікіх паклоннікаў і прафесіяналаў", - гаворыцца ў віншаванні.
Кіраўнік дзяржавы выказаў упэўненасць, што дзейнасць артыста і ў далейшым будзе дарыць удзячнай публіцы радасць і добры настрой, садзейнічаць умацаванню беларуска-расійскіх культурных сувязей.
Аляксандр Лукашэнка пажадаў Леаніду Якубовічу добрага здароўя і невычэрпнай энергіі для новых здзяйсненняў.-0-