23 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Венесуэлы Нікаласа Мадуру з днём нараджэння. Аб гэтым БЕЛТА паведамілі ў прэс-службе беларускага лідара.
"Я добра інфармаваны пра вашы намаганні па правядзенні ўнутрынацыянальнага дыялогу ў мэтах нармалізацыі сітуацыі ў Венесуэле. Спадзяюся, што хутка яны дадуць магчымасць пераадолець тыя цяжкасці, з якімі сутыкнулася дзяржава", - гаворыцца ў віншаванні.
Аляксандр Лукашэнка падкрэсліў, што інтарэсам Беларусі і Венесуэлы і іх народаў, безумоўна, адпавядала б далейшае пашырэнне шматпланавага двухбаковага супрацоўніцтва, канструктыўнага ўзаемадзеяння на міжнароднай арэне.-0-
