ДЗЯРЖОРГАНЫДЗЯРЖОРГАНЫ
Флаг Серада, 10 жніўня 2022
Мінск Ясна +15°C
Усе навіны
Усе навіны
Прэзідэнт
20 мая 2022, 10:54

Лукашэнка павіншаваў калектыў дзяржаўнага аб'яднання "Белдругасчормет" са 100-годдзем

Фота з архіва
Фота з архіва

20 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў калектыў дзяржаўнага аб'яднання "Белдругасчормет" са 100-годдзем дзяржаўнай сістэмы абарачэння лому і адходаў чорных і каляровых металаў. Аб гэтым БЕЛТА паведамілі ў прэс-службе беларускага лідара.

"За сваю стагадовую гісторыю аб'яднанне ператварылася ў шматфункцыянальную структуру, якая дынамічна развіваецца, уключае ў сябе прадпрыемствы не толькі па нарыхтоўцы і пастаўцы сыравіны для металургічных і ліцейных арганізацый, але і па вытворчасці рознага сартыменту каляровых металаў. Дзякуючы нястомнай і руплівай працы вашага высокакваліфікаванага персаналу айчынныя сталявары атрымліваюць сыравіну для вытворчасці беларускай металапрадукцыі, якая па якасці і канкурэнтаздольнасці не ўступае лепшым сусветным вытворцам", - гаворыцца ў віншаванні.

Кіраўнік дзяржавы выказаў перакананне, што калектыў "Белдругасчормета" будзе і ў далейшым паспяхова вырашаць пастаўленыя перад ім стратэгічныя задачы - рабіць беларускую зямлю багацейшай, паляпшаць экалогію шляхам максімальнага ўключэння ў гаспадарчы абарот металазмяшчальных другасных рэсурсаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі