Фота з архіва
21 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў калектыў дзяржаўнай установы "Галоўнае ўпраўленне па абслугоўванні дыпламатычнага корпуса і афіцыйных дэлегацый "Дыпсэрвіс" з 30-годдзем з дня яго ўтварэння. Аб гэтым БЕЛТА паведамілі ў прэс-службе беларускага лідара.
"Установа нязменна на высокім прафесійным узроўні забяспечвае спрыяльныя ўмовы для паўнацэннай работы дыпламатычных прадстаўніцтваў і консульскіх устаноў замежных дзяржаў у нашай краіне. Сваёй дзейнасцю "Дыпсэрвіс" уносіць вялікі ўклад ва ўмацаванне міжнародных адносін з іншымі дзяржавамі, развівае культурныя сувязі, знаёміць з багатымі традыцыямі беларускага народа, яго гісторыяй і культурай", - гаворыцца ў віншаванні.
Аляксандр Лукашэнка адзначыў, што сёння "Дыпсэрвіс" - лідар на рынку прадастаўлення паслуг афіцыйным дэлегацыям замежных дзяржаў па размяшчэнні і пражыванні. "Гэта заслуга вашага працоўнага калектыву, які паспяхова вырашае пастаўленыя перад ім задачы", - падкрэсліў Прэзідэнт.
Кіраўнік дзяржавы падзякаваў калектыву ўстановы за шматгадовую добрасумленную працу і пажадаў рэалізацыі ўсіх задуманых планаў і праектаў, моцнага здароўя і дабрабыту.-0-
Падпісвайцеся на нас у
