24 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Каіса Саіда з выбраннем на пасаду Прэзідэнта Туніса. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы падкрэсліў зацікаўленасць ва ўсебаковым развіцці адносін з Тунісам на карысць грамадзян абедзвюх краін.
"Спадзяюся на прадаўжэнне плённага палітычнага дыялогу, паглыбленне супрацоўніцтва ў гандлёва-эканамічнай, навукова-тэхнічнай і іншых галінах, пашырэнне канструктыўнага ўзаемадзеяння ў міжнародных арганізацыях", - гаворыцца ў віншаванні.
Аляксандр Лукашэнка пажадаў Каісу Саіду моцнага здароўя і поспехаў у адказнай дзяржаўнай дзейнасці.-0-
