26 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў беларускага плыўца Ігара Бокія з залатым медалём Паралімпійскіх гульняў. Аб гэтым БЕЛТА паведамілі ў прэс-службе беларускага лідара.
"Уся Беларусь чакала гэтага медаля. Рады, што пераможным для цябе стаў першы фінал у Токіа. Праявіўшы волю і высокае спартыўнае майстэрства, ты дабіўся выдатнага поспеху - стаў 12-разовым чэмпіёнам Паралімпіяд", - гаворыцца ў віншаванні.
Кіраўнік дзяржавы таксама пажадаў плыўцу новых дасягненняў на водных дарожках японскай сталіцы.-0-