17 лютага, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў нацыянальную каманду па грэка-рымскай і вольнай барацьбе з дастойным выступленнем на чэмпіянаце Еўропы ў Рыме. Аб гэтым БЕЛТА паведамілі ў прэс-службе беларускага лідара.
Асаблівыя словы ўдзячнасці кіраўнік дзяржавы выказаў залатым медалістам - Ванэсе Каладзінскай, Максіму Нягодзе і Магамедхабібу Кадымагамедаву. "Няхай вашы выдатныя перамогі, а таксама серабро і чатыры бронзы калег па камандзе нададуць усім упэўненасці ў сваіх сілах напярэдадні алімпійскіх кваліфікацыйных стартаў", - гаворыцца ў віншаванні.
Аляксандр Лукашэнка пажадаў спартсменам і трэнерам каманды моцнага здароўя і яркіх перамог.
Як паведамлялася БЕЛТА, беларускія спартсмены заваявалі восем узнагарод (3 залатыя, 1 сярэбраную і 4 бронзавыя) на чэмпіянаце Еўропы па трох відах барацьбы (вольнай, жаночай, грэка-рымскай), які прайшоў у Рыме. У апошні дзень спаборніцтваў прадстаўнік зборнай Беларусі па вольнай барацьбе Расул Ціхаеў (вагавая катэгорыя 86 кг) заваяваў бронзавую ўзнагароду. На трэцюю прыступку п'едэстала гонару таксама падняўся яго таварыш па камандзе Амаргаджы Магамедаў (92 кг).
Раней беларускі барэц грэка-рымскага стылю Максім Нягода (63 кг), "вольнік" Магамедхабіб Кадымагамедаў (79 кг) і прадстаўніца жаночай барацьбы Ванэса Каладзінскай (53 кг) заваявалі залатыя ўзнагароды кантынентальнага форуму. Ксенія Станкевіч (50 кг) і Ірына Курачкіна (57 кг) падымаліся на трэцюю прыступку п'едэстала гонару. Серабро на рахунку атлета вольнага стылю Нюргуна Скрабіна (65 кг).-0-
