22 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў членаў нацыянальнай каманды па скачках на батуце Алега Рабцава і Андрэя Буйлова з выдатнымі вынікамі на чэмпіянаце свету ў Азербайджане. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы адзначыў, што напярэдадні найвышэйшую ацэнку атрымала выступленне спартсменаў у сінхронных скачках. "Гэта было ідэальнае спалучэнне маладосці, вопыту і таленту, - падкрэсліў ён. - І сёння, заняўшы высокія месцы ў асабістых спаборніцтвах, вы яшчэ раз пацвердзілі першакласныя традыцыі айчыннай школы скачкоў на батуце".
"Прыемна, што нашы батутысты з гонарам нясуць сцяг беларускага спорту, праяўляючы вялікі прафесіяналізм, волю да перамогі і любоў да Радзімы. Дзякуем за гэта ўсёй камандзе і трэнерскаму штабу на чале з Вольгай Уласавай", - гаворыцца ў віншаванні.
Аляксандр Лукашэнка таксама пажадаў спартсменам моцнага здароўя, удачы і дабрабыту.-0-