ДЗЯРЖОРГАНЫДЗЯРЖОРГАНЫ
Аўторак, 22 верасня 2020
Мінск Ясна +14°C
Усе навіны
Усе навіны
Прэзідэнт
06 жніўня 2020, 15:51

Лукашэнка павіншаваў асабовы склад і ветэранаў транспартных войскаў з прафесійным святам

Паказальныя выступленні воінаў-чыгуначнікаў. Фота з архіва
Паказальныя выступленні воінаў-чыгуначнікаў. Фота з архіва

6 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў асабовы склад і ветэранаў транспартных войскаў з прафесійным святам - Днём чыгуначных войскаў Беларусі. Аб гэтым БЕЛТА паведамілі ў прэс-службе кіраўніка дзяржавы.

"У нашай краіне слаўная гісторыя гэтага роду спецыяльных войскаў налічвае амаль 150 гадоў. У ёй былі баі, подзвігі, самаадданае служэнне Радзіме ў ваенны і мірны час", - гаворыцца ў віншаванні.

Аляксандр Лукашэнка адзначыў, што асабліва гераічнай старонкай стаў уклад чыгуначных фарміраванняў у перамогу ў Вялікай Айчыннай вайне. Значны таксама ўдзел воінаў-чыгуначнікаў у аднаўленні транспартнай інфраструктуры ў пасляваенны час, у будаўніцтве новых аб'ектаў у суверэннай Беларусі.

"Сёння мы з удзячнасцю ўспамінаем ветэранаў, якія перадалі нашчадкам лепшыя традыцыі: сапраўдны патрыятызм, воінскі гонар, вернасць прысязе. Упэўнены, што цяперашняе пакаленне асабовага складу транспартных войскаў з годнасцю прадаўжае несці службу, падтрымліваючы абараназдольнасць Узброеных Сіл і забяспечваючы нацыянальную бяспеку дзяржавы", - падкрэсліў Прэзідэнт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі