17 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка, прымаючы кадравыя рашэнні 17 красавіка, абазначыў ключавыя задачы на новай пасадзе для памочніка Прэзідэнта - інспектара па Гродзенскай вобласці Канстанціна Бурака, перадае карэспандэнт БЕЛТА.
Кіраўнік дзяржавы звярнуў увагу, што сітуацыя ў рэгіёне мае важнае значэнне для забеспячэння бяспекі. "Людзі добрыя там, моцныя людзі. Эканоміка вобласці таксама добрая і моцная. Караеў (Юрый Караеў, назначаны ў сакавіку бягучага года старшынёй Гродзенскага аблвыканкама. - Заўвага БЕЛТА) чалавек старанны і таксама не слабы як упраўленец. Я не хачу, каб вы там канфліктавалі. Але вельмі спадзяюся, што сваё меркаванне ў памочніка будзе", - сказаў Аляксандр Лукашэнка.
Прэзідэнт падкрэсліў, што дзейнасць памочніка па вобласці звязана з падборам кадраў і інспектарскай работай па рэгіёне. Вобразна кажучы, гэта "вочы і вушы" Прэзідэнта, заўважыў Аляксандр Лукашэнка. Акрамя таго, памочнікі павінны непасрэдна ўзаемадзейнічаць з кіраўніком Адміністрацыі Прэзідэнта і мець магчымасць пры неабходнасці абмеркаваць актуальныя вострыя пытанні на ўзроўні кіраўніка дзяржавы, каб намеціць шляхі далейшых дзеянняў.
Звяртаючыся да Канстанціна Бурака, Прэзідэнт даў наказ: "Вопыт у цябе дастатковы. Я некалі быў прыхільнікам, каб ты ва ўрадзе папрацаваў (да назначэння на пасаду памочніка Прэзідэнта па Гродзенскай вобласці Канстанцін Бурак працаваў кіраўніком Апарату Савета Міністраў. - Заўвага БЕЛТА). Таму дзейнічай. Ты ведаеш, што там трэба рабіць".-0-
Падпісвайцеся на нас у
