ДЗЯРЖОРГАНЫДЗЯРЖОРГАНЫ
Панядзелак, 20 студзеня 2020
Мінск Суцэльная воблачнасць 0°C
Усе навіны
Усе навіны
Прэзідэнт
11 кастрычніка 2019, 09:03

Лукашэнка падзякаваў Зяленскаму за прыём у Жытоміры і запрасіў у Беларусь

Аляксандр Лукашэнка і Уладзімір Зяленскі. Фота з архіва
Аляксандр Лукашэнка і Уладзімір Зяленскі. Фота з архіва

11 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў падзячнае пісьмо Прэзідэнту Украіны Уладзіміру Зяленскаму. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы падзякаваў украінскаму лідару за цёплы прыём беларускай дэлегацыі ў Жытоміры, адзначыўшы, што праведзеныя перагаворы на вышэйшым узроўні прадэманстравалі салідарнасць краін у пытаннях міжнароднага парадку дня і двухбаковага супрацоўніцтва.

"Вынікі II Форуму рэгіёнаў Беларусі і Украіны яскрава пацвярджаюць неабходнасць далейшага развіцця прамога міжрэгіянальнага дыялогу", - падкрэсліў Прэзідэнт.

Аляксандр Лукашэнка выказаў упэўненасць у паспяховым ажыццяўленні ўсіх беларуска-ўкраінскіх праектаў у прамысловасці, сельскай гаспадарцы, энергетыцы, транспартнай і лагістычнай галінах, а таксама ў пашырэнні культурных сувязей для ўмацавання традыцый добрасуседства. "Перакананы, што дамоўленасці, дасягнутыя ў Жытоміры, будуць абавязкова рэалізаваны. Разлічваю на прадаўжэнне актыўных і змястоўных кантактаў", - адзначыў кіраўнік дзяржавы.

Прэзідэнт таксама запрасіў Уладзіміра Зяленскага наведаць з афіцыйным візітам Беларусь у зручны для яго час.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі