Мабільная версія
ДЗЯРЖОРГАНЫ

Апошнія навіны
Усе навіны

Лукашэнка падтрымаў ініцыятыву Нацбанка па ўзмацненні мер забеспячэння фінансавай стабільнасці

Прэзідэнт 07.02.2019 | 14:40

7 лютага, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка падтрымаў ініцыятыву Нацыянальнага банка наконт узмацнення мер, накіраваных на далейшае забеспячэнне фінансавай стабільнасці. Такі вынік праведзенай сустрэчы кіраўніка дзяржавы са старшынёй праўлення Нацбанка Паўлам Калаурам, перадае карэспандэнт БЕЛТА.

У пачатку сустрэчы Прэзідэнт прапанаваў абмеркаваць далейшыя дзеянні і падыходы Нацбанка па падтрыманні фінансавай стабільнасці, у тым ліку магчымыя навацыі. "Нацыянальны банк на гэтым этапе, праз пэўны час, бачыць неабходнасць узмацнення (паўнамоцтваў. - Заўвага БЕЛТА) у рамках сусветнай практыкі. Каб узмацніць гэту фінансавую стабільнасць, патрэбны нейкія дадатковыя змяненні ў нашым заканадаўстве, - сказаў Аляксандр Лукашэнка. - Якія, я хацеў бы пачуць, каб уяўляць, што мы будзе рабіць, прымаем мы прапанову Нацыянальнага банка або не. Але тое, што мне даложана, я абсалютна падтрымліваю".

У сваю чаргу Павел Калаур адзначыў, што ў краіне забяспечана і цэнавая, і фінансавая стабільнасць як базавая ўмова для эканамічнага росту і павышэння дабрабыту грамадзян.

Па выніках сустрэчы кіраўнік Нацбанка расказаў, што забеспячэнне макраэканамічнай збалансаванасці асабліва важна ва ўмовах выклікаў і геапалітычных нявызначанасцей у свеце. "Забеспячэнне фінансавай стабільнасці - вельмі важны элемент макраэканамічнай палітыкі ў цэлым. Гэтаму пытанню была ўдзелена сёння асаблівая ўвага. Фінансавая стабільнасць не проста ўстойлівасць у бягучым моманце банкаўскай сістэмы, іншых фінансавых пасрэднікаў, фінансавых рынкаў, плацежнай сістэмы. Гэта такі стан усіх гэтых кампанентаў, які дазваляе заставацца ўстойлівым, нават калі будуць нейкія знешнія шокі", - адзначыў Павел Калаур.

Ён падкрэсліў, што сістэма павінна ўмець адэкватна рэагаваць на ўзнікаючыя і магчымыя выклікі, каб захаваць устойлівы эканамічны рост. "Кіраўнік дзяржавы падтрымаў ініцыятыву Нацыянальнага банка ў гэтым напрамку", - заявіў кіраўнік Нацбанка.

Павел Калаур растлумачыў, што ўжо цяпер кіраўнік Нацыянальнага банка нясе персанальную адказнасць за забеспячэнне фінансавай стабільнасці, за рэгулятарам замацавана функцыя маніторынгу фінансавай стабільнасці. Цяпер жа прапануецца замацаваць адказнасць Нацыянальнага банка за садзейнічанне забеспячэнню фінансавай стабільнасці.

Паводле слоў кіраўніка Нацбанка, для таго каб была адказнасць, патрэбны і інструменты. Размова ідзе аб макрапрудэнцыйным рэгуляванні і палітыцы, інструментах, якія падтрымлівалі б гэту палітыку. "Міжнародная практыка ведае шэраг інструментаў. Некаторыя ў нас ужо задзейнічаны. Як прыклад - абмежаванне даўгавой нагрузкі на фізічную асобу, калі бяруцца крэдыты. Гэта накіравана на тое, каб засцерагчы насельніцтва ад залішняй закрэдытаванасці. Яшчэ адзін прыклад - інструмент, які нядаўна з'явіўся, - велічыня стандартнай рызыкі. Ён будзе выкарыстаны з 1 сакавіка. Гэта таксама прызначана абмежаваць рынкі ад залішняй валацільнасці і звышрызыкоўных бізнес-мадэлей банкаў, каб не параджаць сістэмныя рызыкі", - расказаў Павел Калаур.

"Калі мы гаворым у цэлым пра фінансавую стабільнасць, то мы маем на ўвазе, што мы павінны не параджаць, а засцерагаць ад сістэмных рызык", - падкрэсліў ён.

Кіраўнік Нацбанка ўдакладніў, што цяпер сумесна з урадам адпрацоўваюцца адпаведныя падыходы, пасля чаго дакументы будуць унесены на разгляд кіраўніка дзяржавы.

У цэлым адпаведная палітыка накіравана на стрымліванне сістэмных рызык, забеспячэнне ўстойлівасці нават ва ўмовах тых ці іншых шокаў. "Для насельніцтва - стабільнае ўстойлівае і прадказальнае асяроддзе, магчымасць планаваць свае фінансы на будучыню, а для прадпрыемстваў - правільна выбудоўваць свае бізнес-планы", - растлумачыў Павел Калаур.

Ён таксама адказаў на пытанне, ці вядзецца яшчэ размова аб надзяленні Нацбанка статусам мегарэгулятара. "Мы не ўзнімаем пытанне мегарэгулятара ў нейкім завершаным сэнсе. Маючы на ўвазе, што рэгуляванне рынку каштоўных папер і страхавых кампаній знаходзіцца і будзе заставацца ў бліжэйшым будучым у кампетэнцыі ўрада", - заявіў кіраўнік Нацбанка.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.