Мабільная версія
ДЗЯРЖОРГАНЫ

Апошнія навіны
Усе навіны

Лукашэнка падпісаў закон аб змяненні Крымінальнага кодэкса

Прэзідэнт 23.07.2019 | 12:09
Фота з архіва
Фота з архіва

23 ліпеня, Мінск /Кацярына Крышэнік - БЕЛТА/. Кіраўнік дзяржавы Аляксандр Лукашэнка падпісаў закон "Аб змяненні Крымінальнага кодэкса Рэспублікі Беларусь". Аб гэтым БЕЛТА паведамілі ў прэс-службе беларускага лідара.

У мэтах удасканалення крымінальнага заканадаўства з улікам практыкі яго прымянення, забеспячэння строгай адпаведнасці ступені цяжару асобных дзеянняў і прымяняемых за іх мер адказнасці законам прадугледжваецца скарачэнне ніжняй мяжы пакарання за незаконны абарот наркотыкаў (артыкул 328 Крымінальнага кодэкса). Пры гэтым тэрмін пазбаўлення волі па ч. 2 гэтага артыкула ўстанаўліваецца ад 3 да 8 гадоў, а па ч. 3 - ад 6 да 15 гадоў (да прыняцця закона - адпаведна ад 5 да 8 і ад 8 да 15 гадоў).

Карэкціроўка Крымінальнага кодэкса дасць магчымасць судам у кожным канкрэтным выпадку больш выбарачна падыходзіць да назначэння пакаранняў за злачынствы, звязаныя з абаротам наркотыкаў, з улікам усіх абставін іх учынення.

Таксама законам у рамках процідзеяння асобным відам пагроз грамадскай бяспецы, актуальным на сучасным этапе, прадугледжана ўстанаўленне крымінальнай адказнасці за наўмысныя дзеянні па рэабілітацыі нацызму нараўне з распальваннем расавай або іншай сацыяльнай варожасці.

Уводзіцца крымінальная адказнасць за схіленне спартсмена да выкарыстання допінгу, а таксама за выкарыстанне ў адносінах да спартсмена без яго ведама забароненых рэчываў або метадаў.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Прафілактыка ўкусаў змей У Беларусі жывуць тры віды змей: вуж, мядзянка, гадзюка звычайная (адзіная ядавітая).