23 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка 22 лістапада падпісаў указ нумар 451 "Аб забеспячэнні рэжыму надзвычайнага становішча". Аб гэтым БЕЛТА паведамілі ў прэс-службе кіраўніка дзяржавы.
Дакумент прыняты ў адпаведнасці з законам Беларусі "Аб змяненні законаў па пытаннях абароны суверэнітэту і канстытуцыйнага ладу" для далейшага ўдасканалення заканадаўства ў гэтай сферы.
Указам заснавана палажэнне аб органах кіравання пры ўвядзенні надзвычайнага становішча. Яно аб'яднае, канкрэтызуе і дапоўніць цяпер дзеючыя аналагічныя палажэнні аб аб'яднаным аператыўным штабе і камендатуры тэрыторыі, на якой уведзена надзвычайнае становішча.
У дакуменце вызначаецца парадак арганізацыі функцыянавання органаў кіравання пры ўвядзенні на ўсёй тэрыторыі краіны або ў яе асобных мясцовасцях надзвычайнага становішча.-0-