ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск Суцэльная воблачнасць +26°C
Усе навіны
Усе навіны
Прэзідэнт
12 мая 2022, 17:15

Лукашэнка падпісаў указ аб прыёме ў грамадзянства 319 чалавек, у тым ліку 290 грамадзян Украіны

12 мая, Мінск /Кар. БЕЛТА/. Кіраўнік дзяржавы Аляксандр Лукашэнка 12 мая падпісаў указ нумар 171 аб прыёме ў грамадзянства Рэспублікі Беларусь. Аб гэтым паведамілі ў прэс-службе беларускага лідара.

У беларускае грамадзянства прыняты 319 чалавек. З іх 290 - грамадзяне Украіны. У асноўным гэта асобы, якія прыбылі ў Беларусь з Данецкай і Луганскай абласцей.

Раней кіраўніком дзяржавы толькі са жніўня 2021 года прыняты ў грамадзянства 1784 украінцы, з іх 390 дзяцей. Падраздзяленнямі па грамадзянстве і міграцыі МУС Рэспублікі Беларусь за той жа перыяд аформлена беларускае грамадзянства 1750 грамадзянам Украіны ў спрошчаным парадку.

У цэлым пасля сустрэчы кіраўніка дзяржавы з прадстаўнікамі грамадскасці, медыйнай і экспертнай супольнасці "Вялікая размова з Прэзідэнтам" 9 жніўня мінулага года беларускімі грамадзянамі сталі 3534 украінцы. Тады Аляксандр Лукашэнка па гэтым пытанні даў неабходныя даручэнні.

Акрамя таго, за гэты час беларускае грамадзянства прадастаўлена 709 іншаземцам, якія прыехалі ў Беларусь з іншых краін. Напрыклад, грамадзянамі краіны сталі два ўрачы, якія працуюць у сталічных установах аховы здароўя, яны прыбылі ў нашу краіну з Сірыі і Самалі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі