ДЗЯРЖОРГАНЫДЗЯРЖОРГАНЫ
Флаг Субота, 2 ліпеня 2022
Мінск Суцэльная воблачнасць +27°C
Усе навіны
Усе навіны
Прэзідэнт
18 красавіка 2022, 18:52

Лукашэнка падпісаў указ аб папраўках у ПДР. Што змяняецца для аўтамабілістаў, пешаходаў, веласіпедыстаў

Фота з архіва
Фота з архіва

18 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў указ нумар 145 "Аб удасканаленні арганізацыі дарожнага руху". Дакументам уносяцца змяненні ва ўказ нумар 551 ад 28 лістапада 2005 года, якім былі зацверджаны Правілы дарожнага руху. Аб гэтым БЕЛТА паведамілі ў прэс-службе кіраўніка дзяржавы.

Дакумент прыняты ў мэтах павышэння культуры ўдзельнікаў дарожнага руху, зніжэння колькасці дарожна-транспартных здарэнняў і стымулявання выкарыстання электратранспарту. Практычная рэалізацыя мер, прадугледжаных указам, дасць магчымасць павысіць бяспеку на дарогах краіны і зрабіць больш камфортным удзел грамадзян у дарожным руху.

Электрасамакаты, гіраскутары, сігвеі. Дзе, каму і як хутка можна ездзіць?

Адна з навацый датычыцца электрасамакатаў, гіраскутараў, манаколаў, сігвеяў і іншых устройстваў. Для іх уведзена абагульненае паняцце "сродак персанальнай мабільнасці" і вызначаны парадак выкарыстання. Перамяшчацца на такіх устройствах неабходна будзе па веласіпеднай дарожцы, а пры яе адсутнасці - па тратуары, пешаходнай дарожцы або абочыне са скорасцю не вышэйшай за 25 км/гадз., не ствараючы перашкоды для руху пешаходаў. Устанаўліваецца ўзроставае абмежаванне на выкарыстанне сродкаў персанальнай мабільнасці - з 14 гадоў. Але яно не будзе дзейнічаць у жылых і пешаходных зонах.

Скорасныя ліміты на трасах: 120 км/гадз. для большасці, 100 км/гадз. - для аўтобусаў

Згодна з указам аптымізуюцца скорасныя ліміты адносна транспартных сродкаў. Так, замацоўваецца магчымасць перамяшчэння па-за населенымі пунктамі на аўтамагістралях і дарогах для аўтамабіляў матацыклаў, легкавых аўтамабіляў, грузавых аўтамабіляў масай не большай за 3,5 т са скорасцю не большай за 120 км/гадз., а для аўтобусаў - не вышэйшай за 100 км/гадз.

Новы знак: зона з максімальнай скорасцю 30 км/гадз

Адначасова ўводзіцца новы дарожны знак "Зона з абмежаваннем максімальнай скорасці руху". Пры яго наяўнасці скорасць руху транспартных сродкаў па пэўных тэрыторыях, напрыклад у зоне шчыльнай жылой забудовы, абмяжоўваецца 30 км/гадз. Такія зоны шырока прымяняюцца ў сусветнай практыцы. Іх выкарыстанне дазваляе забяспечыць бяспеку дарожнага руху без устаноўкі дадатковых знакаў, якія абмяжоўваюць скорасны рэжым, і штучных няроўнасцей.

Перавагі для пешаходаў. Забарона на п'яных пасажыраў

У мэтах павышэння бяспекі дарожнага руху ўдакладняецца парадак прадастаўлення перавагі ў руху. Яна будзе лічыцца прадастаўленай, калі адлегласць паміж транспартным сродкам і падыходзячым пешаходам склала не менш за дзве паласы руху (пры іх наяўнасці).

Акрамя таго, забараняецца перавозіць пасажыраў, якія заведама знаходзяцца ў стане алкагольнага ап'янення, на матацыкле (акрамя бакавога прычэпа да яго) і мапедзе. Пры гэтым гэтыя асобы па патрабаванні супрацоўнікаў ДАІ будуць абавязаны прайсці агляд.

Абавязковае ўключэнне фар днём. Што змянілася?

Указам устанаўліваецца абавязак вадзіцеляў у перыяд з 25 мая па 5 чэрвеня і з 25 жніўня па 5 верасня пры знаходжанні на дарогах у светлы час сутак уключаць блізкае святло фар. Такім чынам у правілах дарожнага руху замацоўваюцца штогод праводзімыя ДАІ акцыі, прымеркаваныя да пачатку і заканчэння навучальнага года.

Веласіпедыстам можна не спешвацца

Удасканальваецца парадак удзелу веласіпедыстаў у дарожным руху. Замацоўваецца абавязак іх перамяшчэння па-за населенымі пунктамі ў цёмны час сутак у адзенні са святлоадбівальнымі элементамі. Выключэнне будуць складаць выпадкі руху па веласіпеднай дарожцы.

Перасякаць праезную частку веласіпедыст будзе абавязаны па веласіпедным пераездзе або веласіпеднай дарожцы, а пры іх адсутнасці - па пешаходным пераходзе, на скрыжаванні па лініі тратуараў або абочын, не ствараючы перашкод для руху пешаходаў. Пры гэтым веласіпедыст будзе мець права не спешвацца.

Паласа для грамадскага транспарту? Электрамабілям таксама можна

Шэраг мер накіраваны на стымуляванне выкарыстання электратранспарту. Сярод іх - магчымасць праезду электрамабіляў па паласе, прызначанай для руху грамадскага транспарту, забеспячэнне даступнасці электразараднай інфраструктуры і іншыя.

Прадугледжаныя змяненні ўступаюць у дзеянне праз шэсць месяцаў пасля афіцыйнага апублікавання ўказа.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі