Фота з архіва
6 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка 6 чэрвеня падпісаў указ нумар 226 "Аб дзейнасці ў сферы ігральнага бізнесу". Аб гэтым БЕЛТА паведамілі ў прэс-службе кіраўніка дзяржавы.
Дакумент накіраваны на ўпарадкаванне вядзення ігральнага бізнесу, узмацненне кантролю за ажыццяўленнем гэтай дзейнасці. Прынятым указам, у прыватнасці, узмоцнены механізм ідэнтыфікацыі ўдзельнікаў азартных гульняў. Іх рэгістрацыя ў віртуальных ігральных установах будзе праходзіць альбо пры асабістым наведванні рэальнай ігральнай установы, альбо шляхам відэасеанса ў сетцы Інтэрнэт.
Указам павялічаны тэрмін захоўвання запісаў камер відэаназірання ў ігральных установах з 30 да 60 сутак з дня іх фіксацыі. Прадастаўлена магчымасць эксплуатаваць гульнявыя аўтаматы, якія выкарыстоўваюцца больш за 10 гадоў, пры пацвярджэнні адпаведнасці іх тэхнічных характарыстык мадэлям, уключаным у дзяржаўны рэестр мадэлей, дапушчаных да выкарыстання ў Беларусі (да гэтага такія аўтаматы падлягалі замене).
Устанаўліваецца забарона для ігракоў мець больш за адзін гульнявы акаўнт, а таксама прымаць удзел у азартнай гульні па ўказанні трэціх асоб. Арганізатарам гульняў забаронена прадастаўляць электронныя карткі, грошы і іншыя сродкі разліку пры адсутнасці ў наведвальнікаў неабходнай сумы. Банкі і нябанкаўскія крэдытна-фінансавыя арганізацыі цяпер не маюць права ажыццяўляць перавод грашовых сродкаў фізічных асоб на карысць замежных арганізатараў азартных гульняў.
Таксама ва ўказе замацаваны меры па спыненні злачынных схем у сферы ігральнага бізнесу. Так, выкарыстоўваць крыптавалюту для прыёму ставак і выплаты выйгрышу можна будзе выключна праз рэзідэнтаў Парка высокіх тэхналогій, якія ажыццяўляюць дзейнасць аператара крыптаплатформы або па абмене крыптавалют. Акрамя таго, дакументам вызначаны механізм ідэнтыфікацыі прыналежнасці грашовых сродкаў фізічным асобам для іх допуску да ўдзелу ў азартных гульнях.-0-
Падпісвайцеся на нас у
