5 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў закон аб змяненні закона "Аб натарыяце і натарыяльнай дзейнасці". Аб гэтым БЕЛТА паведамілі ў прэс-службе кіраўніка дзяржавы.
Асноўная мэта карэкціровак - павышэнне эфектыўнасці рэгулявання натарыяльнай дзейнасці і ўдасканаленне натарыяльнага абслугоўвання насельніцтва.
Дакументам, у прыватнасці, прадугледжваецца магчымасць правядзення асобных натарыяльных дзеянняў аддалена - без асабістай яўкі асобы да натарыуса, што павысіць даступнасць натарыяльных паслуг. Размова ідзе пра такія натарыяльныя дзеянні, як выдача пасведчання аб праве на спадчыну, сведчанне правільнасці перакладу дакументаў з адной мовы на іншую, прыняцце на захоўванне дакументаў і іншыя.
Акрамя таго, закон дапоўнены дадаткам, які змяшчае пералік бясспрэчных патрабаванняў, спагнанне па якіх ажыццяўляецца на аснове выканаўчых надпісаў натарыусаў.-0-
