Мабільная версія
ДЗЯРЖОРГАНЫ

Апошнія навіны
Усе навіны

Лукашэнка пачаў візіт у Ташкент з ускладання кветак на плошчы Незалежнасці і да помніка Карымаву

Прэзідэнт 12.09.2018 | 16:58

12 верасня, Ташкент /Кар. БЕЛТА/. Прэзідэнт Беларусі Аляксандр Лукашэнка сёння адразу пасля прылёту ў Ташкент усклаў кветкі да Манумента Незалежнасці і гуманізму і помніка Першаму Прэзідэнту Узбекістана Ісламу Карымаву, перадае карэспандэнт БЕЛТА.

Манумент Незалежнасці і гуманізму ўстаноўлены ў Ташкенце ў пачатку 1990-х на пастамент помніка Леніну і ўяўляе сабой упрыгожаную арнаментам металічную сферу, на якой адлюстравана карта Узбекістана.

У 2005 годзе ў час рэканструкцыі плошчы манумент дапоўнілі скульптурай шчаслівай маці з дзіцем на руках. Жанчына - вобраз краіны, а дзіця сімвалізуе будучыню.

Помнік Ісламу Карымаву з'явіўся ва ўзбекскай сталіцы ў жніўні 2017 года. Ён размешчаны на тэрыторыі яго былой рабочай рэзідэнцыі "Аксарой". Там таксама плануюць пабудаваць навукова-асветны мемарыяльны комплекс.

Помнікі Першаму Прэзідэнту Узбекістана таксама ўстаноўлены ў гарадах Каршы і Самарканд, дзе ён працаваў доўгі час.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ID-картка беларуса ID-картка - дакумент, які засведчвае асобу, для карыстання ўнутры краіны. Лічбавы аналаг пашпарта плануецца пачаць выдаваць у 2019 годзе.