Аляксандр Субоцін. Фота з архіва
15 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка, прымаючы кадравыя рашэнні, паабяцаў загрузіць на поўную моц на іншай пасадзе Аляксандра Субоціна, які пакінуў пасаду старшыні Віцебскага аблвыканкама ў сувязі з пераводам на іншую працу, перадае карэспандэнт БЕЛТА.
Кіраўнік дзяржавы заўважыў, што многія называюць Аляксандра Субоціна добрым чалавекам, і Прэзідэнт "абсалютна не супраць такога пункту гледжання".
"Але, магчыма, час прайшоў (усё ж такі пяцігодка, па-мойму, пяты год), напружанне было вельмі сур'ёзнае вакол, і, як Дзмітрый Мікалаевіч (Крутой, кіраўнік Адміністрацыі Прэзідэнта. - Заўвага БЕЛТА) кажа, выгараў. Я, вядома, з такімі фармулёўкамі не згодны. Ну, можа, выгараў. Можа, адчуў, што, напэўна, не яго. Усё ж такі быць кіраўніком - гэта вельмі-вельмі няпроста. Усе вы кіраўнікі, і гэта ведаеце і разумееце", - сказаў Аляксандр Лукашэнка.
"Таму, гаворачы пра Субоціна, я хачу сказаць, што гэты чалавек абсалютна не страчаны для краіны. І мы тут плануем - у бліжэйшы час даведаецеся - загрузіць яго на поўную моц, загрузіць яго з ног да галавы. Калі характар ёсць, то пацягне. Гэта датычыцца знешняга контуру нашай краіны і іншых напрамкаў, дзе трэба сур'ёзна папрацаваць, - расказаў Прэзідэнт. - Мы яго паспрабуем задзейнічаць па тым напрамку, якім ён добра валодае".-0-
Падпісвайцеся на нас у
