ДЗЯРЖОРГАНЫДЗЯРЖОРГАНЫ
Флаг Серада, 18 мая 2022
Мінск Малавоблачна +7°C
Усе навіны
Усе навіны
Прэзідэнт
25 снежня 2021, 09:00

Лукашэнка: няхай у калядныя дні ўсе беларусы адчуюць сябе моцнай і адзінай сям'ёй

Фота з архіва
Фота з архіва

25 снежня, Мінск /Кар. БЕЛТА/. Кіраўнік дзяржавы Аляксандр Лукашэнка павіншаваў хрысціян Беларусі, якія святкуюць Нараджэнне Хрыстова 25 снежня, са святам. Аб гэтым БЕЛТА паведамілі ў прэс-службе беларускага лідара.

"З году ў год у гэтыя хвалюючыя і радасныя дні нашы сэрцы і душы перапаўняе чаканне цудоўнага, светлага і велічнага свята, якое накіроўвае да хрысціянскіх ідэалаў мільёны вернікаў, натхняе іх на добрыя справы", - гаворыцца ў віншаванні.

Аляксандр Лукашэнка адзначыў, што ва ўсе часы галоўнай жыццёвай каштоўнасцю была і застаецца сям'я - кола блізкіх і родных людзей, дзе кожны клапоціцца пра кожнага, дзе дзяцей вучаць радавацца, ствараць, любіць бацькоў, бацькоўскі дом і Радзіму.

"Няхай у гэтыя калядныя дні ўсе беларусы адчуюць сябе той моцнай і адзінай сям'ёй, якая падтрымае, абароніць і дасць параду, будзе побач у горы і радасці. Няхай у дамах заўсёды пануюць мір і згода, а вера, надзея і любоў ніколі не пакідаюць вашы сэрцы", - пажадаў Прэзідэнт.

Віншаванне Прэзідэнта з Нараджэннем Хрыстовым

Хрысціянам Беларусі, якія святкуюць

Нараджэнне Хрыстова 25 снежня

Дарагія суайчыннікі!

Сардэчна віншую вас з Нараджэннем Хрыстовым.

З году ў год у гэтыя хвалюючыя і радасныя дні нашы сэрцы і душы перапаўняе чаканне цудоўнага, светлага і велічнага свята, якое накіроўвае да хрысціянскіх ідэалаў мільёны вернікаў, натхняе іх на добрыя справы.

Ва ўсе часы галоўнай жыццёвай каштоўнасцю была і застаецца сям'я - кола блізкіх і родных людзей, дзе кожны клапоціцца пра кожнага, дзе дзяцей вучаць радавацца, ствараць, любіць бацькоў, бацькоўскі дом і Радзіму.

Няхай у гэтыя калядныя дні ўсе беларусы адчуюць сябе той моцнай і адзінай сям'ёй, якая падтрымае, абароніць і дасць параду, будзе побач у горы і радасці. Няхай у дамах заўсёды пануюць мір і згода, а вера, надзея і любоў ніколі не пакідаюць вашы сэрцы.

Жадаю здароўя, дабрабыту і поспехаў у добрых пачынаннях.

Аляксандр Лукашэнка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі