Сцяг Пятніца, 19 красавіка 2024
Усе навіны
Усе навіны
Прэзідэнт
17 красавіка 2022, 07:00

Лукашэнка: няхай хрысціянская дабрадзейнасць і ў далейшым будзе духоўным шчытом Беларусі

17 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў хрысціян Беларусі, якія святкуюць Вялікдзень 17 красавіка, з гэтым святам. Аб гэтым БЕЛТА паведамілі ў прэс-службе беларускага лідара.

"У гэтыя ўрачыстыя дні сэрца кожнага верніка раскрываецца насустрач цудоўнай вестцы аб Хрыстовым Уваскрэсенні, дзякуючы якому ў нас з новай сілай абуджаюцца вера, любоў і надзея, з'яўляецца імкненне да стварэння і добрых спраў. Гэты душэўны ўздым дае нам сілы дапамагаць тым, хто мае патрэбу ў чалавечай цеплыні, ахове, ежы і прыстанішчы", - гаворыцца ў віншаванні.

Аляксандр Лукашэнка пажадаў, каб хрысціянская дабрадзейнасць і ў далейшым была духоўным шчытом беларускага народа і Беларусі, а радасць велікодных дзён напаўняла душы мудрасцю, адзінствам і згодай.

Віншаванне Прэзідэнта Беларусі са святам Вялікадня

Хрысціянам Беларусі,

якія святкуюць Вялікдзень

17 красавіка 2022 года

Дарагія суайчыннікі!

Прыміце самыя шчырыя віншаванні са светлым святам Вялікадня.

У гэтыя ўрачыстыя дні сэрца кожнага верніка раскрываецца насустрач цудоўнай вестцы аб Хрыстовым Уваскрэсенні, дзякуючы якому ў нас з новай сілай абуджаюцца вера, любоў і надзея, з'яўляецца імкненне да стварэння і добрых спраў.

Гэты душэўны ўздым дае нам сілы дапамагаць тым, хто мае патрэбу ў чалавечай цеплыні, ахове, ежы і прыстанішчы.

Няхай хрысціянская дабрадзейнасць і ў далейшым будзе духоўным шчытом нашага народа і роднай Беларусі. Няхай радасць велікодных дзён напаўняе душы мудрасцю, адзінствам і згодай.

Жадаю вам моцнага здароўя, мірнага неба над галавой, шчасця і дабрабыту.

Аляксандр Лукашэнка.-0-

Падпісвайцеся на нас у
Twitter
Топ-навіны
Свежыя навіны Беларусі