17 верасня, Мінск /Кар. БЕЛТА/. Ніякай вайны ў сучасных умовах на тэрыторыі Беларусі не будзе, гэта немагчыма. Аб гэтым Прэзідэнт Беларусі Аляксандр Лукашэнка заявіў на патрыятычным форуме "Мы - беларусы!", прысвечаным Дню народнага адзінства, перадае карэспандэнт БЕЛТА.
"Звяртаючыся сёння да беларусаў, як Прэзідэнт і Галоўнакамандуючы хачу вас запэўніць: мы не хочам ваяваць, і не будзем ваяваць. Ніякай вайны ў сучасных умовах на тэрыторыі Беларусі не будзе. Таму што гэта немагчыма", - сказаў кіраўнік дзяржавы.
"І калі не дай бог нешта здарыцца, мы ўсе станем Брэсцкай крэпасцю. Мы будзем да апошняга салдата і чалавека-беларуса абараняць сваю зямлю, якая належыць нашым дзецям, - падкрэсліў беларускі лідар. - Мы гэта будзем рабіць у імя міру на роднай зямлі, у імя Беларусі, якую мы ствараем на фундаменце перамог, дасягненняў, вопыту і памяці нашых гераічных продкаў".
Аляксандр Лукашэнка заклікаў грамадзян Беларусі жыць спакойна, не перажываць, гадаваць дзяцей, ён таксама пажадаў беларусам шчасця і берагчы родную зямлю.-0-
