26 мая, Мінск /Кар. БЕЛТА/. Невялікая Беларусь здольна процістаяць самым буйным дзяржавам. Аб гэтым Прэзідэнт Беларусі Аляксандр Лукашэнка заявіў на нарадзе ў Міністэрстве абароны па пытаннях забеспячэння ваеннай бяспекі, перадае карэспандэнт БЕЛТА.
Паводле слоў Прэзідэнта, прынята лічыць, што ваяваць цяжка з тымі краінамі, якія маюць не толькі ваенную моц, але і вялікую колькасць насельніцтва. Аднак сёння зыход ваенных дзеянняў ужо не так залежыць ад такога фактару, як гэта было раней, звярнуў увагу галоўнакамандуючы.
"Трэба ваяваць не колькасцю, а ўменнем, як некалі гаварыў наш вядомы палкаводзец. Гэта набывае сёння сур'ёзную актуальнасць. Гэта сведчыць аб тым, што і такая невялікая па колькасці дзяржава, як Беларусь, здольна процістаяць самым буйным дзяржавам, - заявіў Аляксандр Лукашэнка. - Але яшчэ раз падкрэсліваю: гарачая вайна - гэта тое, што мы ўмеем рабіць і будзем рабіць, калі не дай бог давядзецца. Інфармацыйнае проціборства, якое папярэднічае гарачай вайне і суправаджае любое ваеннае процістаянне, вельмі важнае".-0-
