28 студзеня, Мінск /Кар. БЕЛТА/. Не трэба папракаць Расію, што яна хоча паглынуць Беларусь, у яе няма такіх мэт. Аб гэтым Прэзідэнт Беларусі Аляксандр Лукашэнка заявіў сёння ў Пасланні беларускаму народу і Нацыянальнаму сходу, перадае карэспандэнт БЕЛТА.
Прэзідэнт нагадаў аб словах свайго расійскага калегі Уладзіміра Пуціна, які заявіў журналістам, што інтэграцыя паміж дзяржавамі мае на мэце перш за ўсё развіццё эканамічнага супрацоўніцтва. Яно павінна стаць фундаментам адносін.
"Гэта іх разуменне. І не трэба сёння папракаць Расію, што яна хоча паглынуць Беларусь. Няма такіх мэт", - падкрэсліў Аляксандр Лукашэнка. Паводле яго слоў, Беларусь і Расія, будучы незалежнымі дзяржавамі, здольны выбудаваць такую сістэму супрацоўніцтва, што ёй пазайздросціць любое аб'яднанне.
"Чаго вы перажываеце наконт паглынання Расіяй Беларусі? Гэтага ніколі не будзе, і мэт такіх у кіраўніцтва Расіі няма", - заявіў беларускі лідар.
Кіраўнік дзяржавы звярнуў увагу на падтрымку з боку Расіі, якая падставіла плячо Беларусі нават знаходзячыся пад санкцыямі.-0-
