10 чэрвеня, Мінск /Уладзімір Мацвееў - БЕЛТА/. Не народ павінен ісці да ўлады, а ўлада павінна бегчы да народа. Аб гэтым Прэзідэнт Беларусі Аляксандр Лукашэнка заявіў на рэспубліканскім семінары-нарадзе "Актуалізацыя метадаў і форм работы з насельніцтвам на мясцовым узроўні", перадае карэспандэнт БЕЛТА.
"Прыйшоў час зразумець, што не народ павінен ісці да ўлады, а ўлада павінна бегчы да народа. Менавіта так адбываецца змена сацыяльнай ролі грамадства: з прасіцеляў людзі ператвараюцца ў нашых партнёраў", - сказаў кіраўнік дзяржавы.
Ён адзначыў, што ў краіне ёсць куды накіроўваць энергію людзей, сапраўдных патрыётаў, гатовых падставіць плячо дзяржаве. Ёсць добрыя прыклады супрацоўніцтва грамадскіх арганізацый і дзяржавы ў пытаннях падтрымкі грамадзян, якія маюць патрэбу ў асаблівай абароне. "Такіх арганізацый у нас нямала. І дзяржава за гэта плаціць, размова ідзе аб дзяржаўным сацыяльным заказе. Мы гатовы падтрымліваць тых, хто сваю грамадзянскую пазіцыю пацвердзіў справамі: дапамагае маючым патрэбу, а не сутыкае лбамі беларусаў, уносіць смуту ў наша спакойнае і размеранае жыццё. Словам, для ўсіх неабыякавых, хто сапраўды хоча быць карысным людзям, работа заўсёды знойдзецца", - падкрэсліў беларускі лідар.-0-
