4 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка сёння ў Пасланні беларускаму народу і Нацыянальнаму сходу заявіў, што не бачыць неабходнасці ў прыватызацыі зямель сельскагаспадарчага прызначэння, перадае карэспандэнт БЕЛТА.
"Мы будзем выкарыстоўваць розныя варыянты, але ніколі не пойдзем на прыватызацыю зямель сельскагаспадарчага прызначэння. У гэтым проста няма ніякай неабходнасці. Любому жадаючаму прапануецца арэнда. Ідзі, працуй. А рэзаць зямлю на кавалкі і раздаваць асобным дзялкам за бясцэнак ніхто не дасць, - падкрэсліў Аляксандр Лукашэнка. - Паглядзіце на Украіну з іх зямельным законам. Навошта нам паўтараць чужыя памылкі, параджаць нелегальны рынак зямлі і расціць крымінал?"
Кіраўнік дзяржавы канстатаваў, што стагоддзямі для Беларусі сельская гаспадарка была традыцыйнай сферай эканомікі, візітнай карткай краіны. "Па многіх пазіцыях знак "Зроблена ў Беларусі" працуе ўжо як лепшая рэклама, асабліва адносна прадуктаў харчавання, - падкрэсліў ён. - Пры гэтым увесь перыяд прэзідэнцтва мяне папракаюць за залішнюю ўвагу да вёскі. Чамусьці некаторыя думаюць, што поўная харчовая бяспека і штогадовы экспарт прадуктаў харчавання на $6 млрд упалі нам з неба".
Аляксандр Лукашэнка звярнуў увагу на тое, што попыт на прадукты харчавання ў свеце расце. "ААН прагназуе: амаль мільярд чалавек будзе ў бліжэйшы час галадаць. Сялянская праца заўсёды будзе запатрабавана. Безумоўна, далейшае развіццё атрымае і сельгасвытворчасць", - упэўнены ён.
"Паглядзіце на гэты год. Небывалы ўраджай, збожжа стаіць сцяной! Калі нармальна ўбяром - сур'ёзна паправім эканоміку вёскі. Попыт па ўсіх культурах будзе высокі. Чаго б там ні каштавала, трэба актывізавацца нягледзячы ні на якія выбары. Выбары завершацца, а есці трэба будзе і пасля 9 жніўня. І гэты год мы не маем права страціць. Усяляк трэба дапамагчы вяскоўцам", - падкрэсліў кіраўнік дзяржавы.-0-
