6 сакавіка, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка сёння на цырымоніі ўручэння дзяржаўных узнагарод і пагонаў вышэйшага афіцэрскага складу назваў самую прыемную прэзідэнцкую місію, перадае карэспандэнт БЕЛТА.
"Бадай, самая прыемная прэзідэнцкая місія - уручаць узнагароды заслужаным людзям. Быць сярод тых, хто штодзённай працай робіць Беларусь мацнейшай і прыгажэйшай, а жыццё беларусаў - бяспечней і багацей", - прызнаўся кіраўнік дзяржавы.
Цырымонія традыцыйна праводзіцца напярэдадні Дня жанчын. Для ўручэння ўзнагарод і пагонаў запрошаны больш за 30 чалавек, уключаючы прадстаўнікоў арміі і іншых сілавых структур, заслужаных дзеячаў розных сфер, шматдзетных маці.-0-
