Мабільная версія
ДЗЯРЖОРГАНЫ

Апошнія навіны
Усе навіны

Лукашэнка назваў ІТ-тэхналогіі і мадэрнізацыю буйных прадпрыемстваў драйверамі беларускай эканомікі

Прэзідэнт 04.12.2018 | 13:54

4 снежня, Мінск /Кар. БЕЛТА/. Развіццё ІТ-тэхналогій, а таксама мадэрнізацыя буйных прадпрыемстваў з'яўляюцца драйверамі беларускай эканомікі. Аб гэтым Прэзідэнт Беларусі Аляксандр Лукашэнка заявіў у інтэрв'ю тэлеканалу "Расія 24", паведамляе БЕЛТА.

"Калі ўжо шчыра гаварыць, то гэта (ІТ-сектар. - Заўвага БЕЛТА) адзін з такіх драйвераў, які ў гэтым годзе прынясе нам толькі па экспарце каля паўтара мільярда долараў. Гэта значная сума для нас, - расказаў Аляксандр Лукашэнка. - Але драйвер гэты адкрыўся не ўчора, калі модна стала гаварыць пра лічбавізацыю".

Прэзідэнт растлумачыў, што гэта сфера ў Беларусі развівалася паступова. У ёй убачылі вялікія перспектывы яшчэ больш як дзесяць гадоў таму, таму і быў створаны Парк высокіх тэхналогій. "У аснове ляжаў чалавечы капітал, які ідзе каранямі ў наш агульны час. У нас і адукацыя была моцная: радыётэхнікі, матэматыкі, - заўважыў кіраўнік дзяржавы. - Мы гэта захавалі, і адтуль мы вырастаем".

Аляксандр Лукашэнка лічыць, што лічбавізацыя павінна пранікаць не толькі ў рэальны сектар эканомікі, але і ў адукацыю, ахову здароўя, іншыя сферы. Паводле яго слоў, Беларусь не толькі сама сканцэнтравалася на гэтым напрамку, але і дапамагае развіваць яго іншым краінам, напрыклад Казахстану і Узбекістану, іншым цэнтральнаазіяцкім рэспублікам. "Але трэба разумець, што асабліва не рванеш, калі няма базы, асабліва адукацыі", - падкрэсліў Прэзідэнт.

Яшчэ адным з важнейшых напрамкаў для развіцця эканомікі кіраўнік дзяржавы назваў мадэрнізацыю прадпрыемстваў старой школы, у тым ліку такіх, як МАЗ, БелАЗ, МТЗ. "Для нас драйвер - гэта не ўзяць і зламаць нібыта неэфектыўнае і нешта ствараць з нуля, хоць і з нуля нешта трэба было ствараць, - канстатаваў ён. - На новае шмат грошай трэба, спецыялісты патрэбны. А мы гэта, захаваўшы, рэанімавалі і ўкладвалі сродкі ў гэтыя школы. І атрымалі каласальны эфект".-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ID-картка беларуса ID-картка - дакумент, які засведчвае асобу, для карыстання ўнутры краіны. Лічбавы аналаг пашпарта плануецца пачаць выдаваць у 2019 годзе.