29 студзеня, Санкт-Пецярбург /Кар. БЕЛТА/. Прэзідэнт Беларусі Аляксандр Лукашэнка абазначыў галоўныя задачы і напрамкі ў развіцці супрацоўніцтва ў Саюзнай дзяржаве як у бягучым перыядзе, так і на перспектыву. Адпаведныя заявы кіраўнік дзяржавы зрабіў на пасяджэнні Вышэйшага дзяржаўнага савета Саюзнай дзяржавы ў Санкт-Пецярбургу, перадае карэспандэнт БЕЛТА.
Кіраўнік дзяржавы заявіў, што па выніках 2023 года бакі абновяць гістарычны максімум гандлю таварамі і паслугамі. "Уладзімір Уладзіміравіч за 10 месяцаў называў лічбу - больш як $40 млрд, але калі ўзяць у цэлым год (тавары і паслугі) - $54 млрд прыкладна будзе. Гэта сапраўды гістарычны максімум. Дасягненне высокіх паказчыкаў - шмат у чым вынік выканання мерапрыемстваў 28 саюзных праграм, у рамках якіх прыняты прынцыповыя рашэнні. Але нам трэба будзе яшчэ выпрацаваць агульныя крытэрыі ацэнкі эфектыўнасці іх рэалізацыі", - адзначыў Прэзідэнт.
Ключавымі на гэтым пасяджэнні ВДС з'яўляюцца даклады ўрадаў аб выкананні асноўных напрамкаў рэалізацыі палажэнняў Дагавора аб стварэнні Саюзнай дзяржавы на 2021-2023 гады. На парадку дня і зацвярджэнне новага праграмнага дакумента на чарговы трохгадовы цыкл - на 2024-2026 гады. Ён прадугледжвае прадаўжэнне работы па ўмацаванні адзінай эканамічнай прасторы і зняцці перашкод у гандлі, што засталіся.
Паводле слоў Аляксандра Лукашэнкі, важна ўзмацніць міжнароднае пазіцыянаванне саюза, як гэта робіцца ў ЕАЭС.
У якасці галоўнай задачы ў прамысловай сферы Прэзідэнт абазначыў актывізацыю супрацоўніцтва ў сферы імпартазамяшчэння. Пры гэтым ужо зроблена нямала. "Тут вельмі шмат зроблена. Мы многае зразумелі, што не разумелі яшчэ два гады таму. Нас не ўдалося паставіць на калені. Наадварот, мы мабілізаваліся і зрабілі нямала. Падпісаны базавыя міжурадавыя пагадненні аб прызнанні тэхналагічных аперацый, аб развіцці мікраэлектронных тэхналогій, праектаванні і вытворчасці электроннай кампанентнай базы, электроннага машынабудавання, аб адзінай прамысловай палітыцы. Учора мы з Уладзімірам Уладзіміравічам у сярэдзіне дня вельмі ўважліва прааналізавалі гэтыя пытанні на прыкладзе мікраэлектронікі", - сказаў Аляксандр Лукашэнка.
"Упэўнены, падрыхтаваны да падпісання дэкрэт на справе забяспечыць узаемнае прызнанне тэхналагічных аперацый. Лічу, што ўрадам трэба ў самыя кароткія тэрміны прыняць меры па яго безагаворачнай рэалізацыі, без якіх-небудзь адступленняў і выключэнняў", - заявіў кіраўнік беларускай дзяржавы.
Аляксандр Лукашэнка таксама заявіў аб неабходнасці чаго б гэта ні каштавала ўстараніць усё, што стрымлівае ўзаемныя пастаўкі тавараў, зрабіць роўнымі ўмовы дзейнасці для прадпрыемстваў, ліквідаваць бар'еры ў сферы дзяржаўных закупак, зняць абмежаванні для транзіту тавараў. "Гэтыя тэмы не новыя, але пакуль яшчэ ў нас цяжкасцей у гэтым плане хапае. Асабліва адзначу, што мы пакуль цалкам не вызначыліся па самых галоўных пытаннях. Гэта датычыцца стварэння адзіных рынкаў газу, нафты і нафтапрадуктаў. Якраз той час, калі мы можам спакойна прымаць гэтыя рашэнні. Яны будуць выгадныя і для Расіі, і для Беларусі", - сказаў Прэзідэнт.
Паводле яго слоў, гэтыя прынцыпова важныя тэмы рэгулярна абмяркоўваюцца на перагаворах з Прэзідэнтам Расіі. "Дамоўленасці дасягнуты. Думаю, што ўрадам трэба актыўней рэалізоўваць гэтыя дамоўленасці", - падкрэсліў Аляксандр Лукашэнка.
Згадаў Прэзідэнт і аб лагістыцы перавозак беларускіх экспартных грузаў праз расійскія парты. У гэтым плане ёсць прапановы па павелічэнні прапускной здольнасці Кастрычніцкай чыгункі ў напрамку партоў Санкт-Пецярбурга. "Мільёны тон беларускіх грузаў пераарыентаваны з партоў балтыйскіх дзяржаў на Санкт-Пецярбург, Мурманск, чарнаморскія парты. Але напружанне існуе. Мы з Уладзімірам Уладзіміравічам месяцы тры таму абмяркоўвалі гэту праблему. Прынялі рашэнне, што Кастрычніцкая чыгунка ў напрамку Піцера павінна больш інтэнсіўна працаваць. Там на першым этапе патрэбны і невялікія грошы, і невялікая работа - каб раз'езды аднавіць", - падзяліўся дэталямі беларускі лідар.
На парадку дня пасяджэння ВДС таксама такія важныя тэмы, як стварэнне саюзнага медыяхолдынга, урэгуляванне пытанняў агульнай уласнасці, зацвярджэнне стратэгіі навукова-тэхналагічнага развіцця Саюзнай дзяржавы да 2035 года.
"Упэўнены, усе разумеюць, наколькі важна праводзіць узгодненую інфармацыйную палітыку. Ідзе магутнае інфармацыйнае процістаянне. Многія называюць гэта вайной. Але, дзякуй богу, пакуль яшчэ нават у СМІ мы да вайны не падышлі. Але процістаянне сур'ёзнае. Думаю, калі мы створым нармальны медыяхолдынг з улікам (існуючых. - Заўвага БЕЛТА) спроб і памылак, будзе добры холдынг", - адзначыў кіраўнік дзяржавы.
Новых свежых ідэй, а галоўнае - прарыўных эканамічных праектаў і канкрэтных прапаноў па развіцці супрацоўніцтва чакаюць ад XI Форуму рэгіёнаў Беларусі і Расіі, які ў чэрвені пройдзе ў Віцебску.
У бягучым годзе ў Саюзнай дзяржаве адзначаць шэраг знамянальных дат. Перш за ўсё 80-годдзе вызвалення Беларусі і 25-годдзе падпісання Дагавора аб стварэнні Саюзнай дзяржавы. "Гэта магутныя ідэалагічныя падставы. Мы не маем права імі не скарыстацца для папулярызацыі нашых каштоўнасцей і абароны праўды аб агульнай гісторыі", - падкрэсліў Прэзідэнт Беларусі.-0-
Кіраўнік дзяржавы заявіў, што па выніках 2023 года бакі абновяць гістарычны максімум гандлю таварамі і паслугамі. "Уладзімір Уладзіміравіч за 10 месяцаў называў лічбу - больш як $40 млрд, але калі ўзяць у цэлым год (тавары і паслугі) - $54 млрд прыкладна будзе. Гэта сапраўды гістарычны максімум. Дасягненне высокіх паказчыкаў - шмат у чым вынік выканання мерапрыемстваў 28 саюзных праграм, у рамках якіх прыняты прынцыповыя рашэнні. Але нам трэба будзе яшчэ выпрацаваць агульныя крытэрыі ацэнкі эфектыўнасці іх рэалізацыі", - адзначыў Прэзідэнт.
Ключавымі на гэтым пасяджэнні ВДС з'яўляюцца даклады ўрадаў аб выкананні асноўных напрамкаў рэалізацыі палажэнняў Дагавора аб стварэнні Саюзнай дзяржавы на 2021-2023 гады. На парадку дня і зацвярджэнне новага праграмнага дакумента на чарговы трохгадовы цыкл - на 2024-2026 гады. Ён прадугледжвае прадаўжэнне работы па ўмацаванні адзінай эканамічнай прасторы і зняцці перашкод у гандлі, што засталіся.
Паводле слоў Аляксандра Лукашэнкі, важна ўзмацніць міжнароднае пазіцыянаванне саюза, як гэта робіцца ў ЕАЭС.
У якасці галоўнай задачы ў прамысловай сферы Прэзідэнт абазначыў актывізацыю супрацоўніцтва ў сферы імпартазамяшчэння. Пры гэтым ужо зроблена нямала. "Тут вельмі шмат зроблена. Мы многае зразумелі, што не разумелі яшчэ два гады таму. Нас не ўдалося паставіць на калені. Наадварот, мы мабілізаваліся і зрабілі нямала. Падпісаны базавыя міжурадавыя пагадненні аб прызнанні тэхналагічных аперацый, аб развіцці мікраэлектронных тэхналогій, праектаванні і вытворчасці электроннай кампанентнай базы, электроннага машынабудавання, аб адзінай прамысловай палітыцы. Учора мы з Уладзімірам Уладзіміравічам у сярэдзіне дня вельмі ўважліва прааналізавалі гэтыя пытанні на прыкладзе мікраэлектронікі", - сказаў Аляксандр Лукашэнка.
"Упэўнены, падрыхтаваны да падпісання дэкрэт на справе забяспечыць узаемнае прызнанне тэхналагічных аперацый. Лічу, што ўрадам трэба ў самыя кароткія тэрміны прыняць меры па яго безагаворачнай рэалізацыі, без якіх-небудзь адступленняў і выключэнняў", - заявіў кіраўнік беларускай дзяржавы.
Аляксандр Лукашэнка таксама заявіў аб неабходнасці чаго б гэта ні каштавала ўстараніць усё, што стрымлівае ўзаемныя пастаўкі тавараў, зрабіць роўнымі ўмовы дзейнасці для прадпрыемстваў, ліквідаваць бар'еры ў сферы дзяржаўных закупак, зняць абмежаванні для транзіту тавараў. "Гэтыя тэмы не новыя, але пакуль яшчэ ў нас цяжкасцей у гэтым плане хапае. Асабліва адзначу, што мы пакуль цалкам не вызначыліся па самых галоўных пытаннях. Гэта датычыцца стварэння адзіных рынкаў газу, нафты і нафтапрадуктаў. Якраз той час, калі мы можам спакойна прымаць гэтыя рашэнні. Яны будуць выгадныя і для Расіі, і для Беларусі", - сказаў Прэзідэнт.
Паводле яго слоў, гэтыя прынцыпова важныя тэмы рэгулярна абмяркоўваюцца на перагаворах з Прэзідэнтам Расіі. "Дамоўленасці дасягнуты. Думаю, што ўрадам трэба актыўней рэалізоўваць гэтыя дамоўленасці", - падкрэсліў Аляксандр Лукашэнка.
Згадаў Прэзідэнт і аб лагістыцы перавозак беларускіх экспартных грузаў праз расійскія парты. У гэтым плане ёсць прапановы па павелічэнні прапускной здольнасці Кастрычніцкай чыгункі ў напрамку партоў Санкт-Пецярбурга. "Мільёны тон беларускіх грузаў пераарыентаваны з партоў балтыйскіх дзяржаў на Санкт-Пецярбург, Мурманск, чарнаморскія парты. Але напружанне існуе. Мы з Уладзімірам Уладзіміравічам месяцы тры таму абмяркоўвалі гэту праблему. Прынялі рашэнне, што Кастрычніцкая чыгунка ў напрамку Піцера павінна больш інтэнсіўна працаваць. Там на першым этапе патрэбны і невялікія грошы, і невялікая работа - каб раз'езды аднавіць", - падзяліўся дэталямі беларускі лідар.
На парадку дня пасяджэння ВДС таксама такія важныя тэмы, як стварэнне саюзнага медыяхолдынга, урэгуляванне пытанняў агульнай уласнасці, зацвярджэнне стратэгіі навукова-тэхналагічнага развіцця Саюзнай дзяржавы да 2035 года.
"Упэўнены, усе разумеюць, наколькі важна праводзіць узгодненую інфармацыйную палітыку. Ідзе магутнае інфармацыйнае процістаянне. Многія называюць гэта вайной. Але, дзякуй богу, пакуль яшчэ нават у СМІ мы да вайны не падышлі. Але процістаянне сур'ёзнае. Думаю, калі мы створым нармальны медыяхолдынг з улікам (існуючых. - Заўвага БЕЛТА) спроб і памылак, будзе добры холдынг", - адзначыў кіраўнік дзяржавы.
Новых свежых ідэй, а галоўнае - прарыўных эканамічных праектаў і канкрэтных прапаноў па развіцці супрацоўніцтва чакаюць ад XI Форуму рэгіёнаў Беларусі і Расіі, які ў чэрвені пройдзе ў Віцебску.
У бягучым годзе ў Саюзнай дзяржаве адзначаць шэраг знамянальных дат. Перш за ўсё 80-годдзе вызвалення Беларусі і 25-годдзе падпісання Дагавора аб стварэнні Саюзнай дзяржавы. "Гэта магутныя ідэалагічныя падставы. Мы не маем права імі не скарыстацца для папулярызацыі нашых каштоўнасцей і абароны праўды аб агульнай гісторыі", - падкрэсліў Прэзідэнт Беларусі.-0-
